ශීත ඍතුවේ දී බල සීමාවන් හේතුවෙන් Kosovo රජය රට තුළ Crypto පතල් කැණීම නතර කර ඇත.
Kosovo හි ආර්ථික අමාත්‍ය, Artane Rizvanolli, බලශක්ති සැපයුම සඳහා හදිසි පියවර පිළිබඳ තාක්ෂණික කමිටුවේ නිර්දේශය මත Crypto කැණීම නැවැත්වීමට තීරණය කර ඇති බව Gazeta Express විසින් කරන ලද වාර්තාවකට අනුව සදහන්වේ.
Kosovo හි බල සැපයුම නියමිත මට්ටමට වඩා පහත වැටීමෙන් පසුව රජය මෙම තීරණය ගෙන ඇති බවත්, උපරිම භාවිත කාලවලදී විදුලිය කප්පාදු කිරීමට පටන් ගත් බවත් වාර්තාව සඳහන් කරයි.
Rizvanolli, පවසන පරිදි, තත්වයට ප්‍රතිචාර වශයෙන් හදිසි බලශක්ති සැපයුම් උපාය මාර්ග ඇගයීම සඳහා තාක්ෂණික කමිටුවක් පිහිටුවීමට රජය තීරණය කළේය. පසුගිය සතියේ කමිටුවේ නිර්දේශ මත පදනම්ව, Kosovo දේශසීමා පුරා Crypto කැණීම් නතර කිරීම ඇතුළු හදිසි පියවර ගැනීමට රජය තීරණය කළේය.
Crypto මුදල් නිෂ්පාදනය නැවැත්වීමට නීතිය ක්‍රියාත්මක කරන ආයතන පියවර ගැනීමට නියමිත බවත්, එවැනි මෙහෙයුම් සිදුවන ස්ථාන හඳුනා ගැනීමට කටයුතු කරන බවත් වාර්තාව සඳහන් කළේය. ඇමැතිවරයා මෙසේ පැවැසීය.
"මෙම ක්‍රියාමාර්ගවල අරමුණ වන්නේ Kosovo ජනරජයේ පුරවැසියන්ට තවදුරටත් බරක් නොවී බලශක්ති අර්බුදයෙන් මිදීම සඳහා බලශක්ති නිෂ්පාදන ධාරිතාව, සම්ප්‍රේෂණ හෝ බෙදා හැරීමේ හැකියාවේ අනපේක්ෂිත හෝ දිගුකාලීන හිඟකම පහව කිරීමයි."cointelegraph